Saturday, November 26, 2011

Windows မှာ Command line ကိုအသုံးပြုကြမယ်(၂)


     ပြီးခဲ့တဲ့တစ်ပတ်က ကျွန်တော်တင်ပေးထားတဲ့ Post ကိုဖတ်ပြီး Command Prompt ကို တီးမိခေါက်မိပြီထင်ပါတယ်။ အခု ကျွန်တော်ပြောပြမယ့် command တွေကိုတော့ တစ်ခုချင်းကိုအသေးစိတ်မရှင်းတော့ပါဘူး။ ဘယ် command က ဘာလုပ်တယ် ဆိုတာလောက်ကိုပဲအဓိကထားပြောသွားပါမယ်။ တကယ်တမ်း windows command line ကအရမ်းကိုကျယ်ပြန့်ပါတယ်။ windows ရဲ့လုပ်ဆောင်မှုအားလုံးလိုလိုကို command ကနေ လုပ်ဆောင်လို့ရပါတယ်။ ကျွန်တော်လည်းအားလုံးကိုတော့ မရပါဘူး (၀န်ခံတာပါ)။ ကျွန်တော်လည်းကွန်ပျူတာကို လေ့လာဆဲသူမို့လို့ပါ။ ကွန်ပျူတာပညာဆိုတာ ဆုံးတယ်လို့ကို မရှိပါဘူး။ ဒီနေ့ကျွန်တော်တို့မလေ့လာရင် နောက်နေ့ဆိုရင် လိုက်လို့ကိုမမီနိုင်လောက်တဲ့ အခြေအနေပါ။ အဲဒီတော့တတ်နိုင်သလောက်တော့ စာအုပ်စာပေတွေများများဖတ်ဖို့ကိုတော့ တိုက်တွန်းချင်ပါတယ်။
 အခုခေတ်မှာကသင်တန်းတွေအရမ်းကိုများပါတယ်။ သင်တန်းအားလုံးကို တတ်ဖို့ကျတော့ အချိန်တွေငွေတွေစိုက်ထုတ်ရတယ်။ ကျွန်တော်ဆိုရင် သင်တန်းတွေအားလုံးကိုမတတ်နိုင်ပါဘူး။ Hardware ပညာကိုတောင်မှ သင်တန်းမတတ် လိုက်ရပါဘူး။ ဆရာဇော်လင်း(Youth)ရေးတဲ့ A+ Certification Exam စာအုပ်ကိုဝယ်ဖတ်ပြီး ကိုယ်ကိုယ်တိုင် လေ့လာခဲ့ရပါတယ်။ ကျွန်တော်ကိုသင်ပေးခဲ့တာ အဲဒီကိုဇော်လင်းပါပဲ။ သူ့စာအုပ်ကိုဘာပဲဖြစ်ဖြစ်ဝယ်ဖတ်ရတယ်ဆိုပေမယ့် သူပေးထားတဲ့ knowledge တွေက ကျွန်တော်အတွက်အလွန်ပဲအထောက်အကူပြုပါတယ်။ ပြီးတော့ ဆရာဇော်လင်း(Youth)ပဲရေးတဲ့ PC Mechanic ၊ System Administration စာအုပ်တွေကိုလည်း ၀ယ်ဖတ်ခဲ့ပါတယ်။ အဲဒါတွေအားလုံးဖတ်ပြီး ကျွန်တော်သူငယ်ချင်းတွေရဲ့ ကွန်ပျူတာတွေကိုလိုက်ပြင်ပေးခဲ့ပါတယ်။ အဲဒီကနေ Experience ကိုယူတယ်ဆိုပါတော့။ ပြောရဦးမယ်... ကျွန်တော်ကကွန်ပျူတာကို စာစီစာရိုက် ကနေစလုပ်ခဲ့ရတာ။ ကွန်ပျူတာစာစီမိတ္တူဆိုင်မှာပေါ့။ တစ်နှစ်လောက်တော့ကြာသွားတယ်။ နောက်ပိုင်းအစိုးရဌာနကိုရောက်သွားတယ်။ စာရေးအလုပ်ပဲရတာပါ။ ကွန်ပျူတာရိုက်ရတယ်။ ရှင်းရှင်းပြောရရင်ရုံးကကွန်ပျူတာတွေကို ကျွန်တ်ာကိုယ်တိုင်ပြင်ပြီးအတွေ့အကြုံယူရပါတယ်။ အဲဒီအချိန်ထိ A+ သင်တန်းဆိုတာစိတ်တောင်မကူးရဲသေးဘူး(ပိုက်ဆံမရှိလုိ့)။ နောက်တော့ ပိုက်ဆံစုပြီး KMD မှာ Practical Network နဲ့ Network Engineering သင်တန်းကိုသွားတတ်ဖြစ်တယ် (ဟီး..Discount နဲ့)။ ကျွန်တော်မရှက်ပါဘူး။ အတွေ့အကြုံတွေကိုဝေမျှတာပါ။ အခုလည်းကျွန်တော် Network ပညာရပ်ကိုလေ့လာနေပါတယ်။ အဲ Network လိုင်းရောက်တော့လည်း ဆရာဇော်လင်းပါပဲ။ သူ့စာအုပ်တွေကိုပဲ ၀ယ်ဖတ်ဖြစ်ပါတယ်။ Network Essential, Complete Network Study Guide, CCNA, Internetworking, Linux ဆိုတဲ့စာအုပ်တွေပေါ့။ ကျွန်တော်ပိုက်ဆံစုပြီး ရသလောက်တော့ ၀ယ်ဖတ်ဖြစ်တယ်။ ကျွန်တော်ကြော်ငြာတာမဟုတ်ပါဘူး။ ဆရာ့ကိုအပြင်မှာကျွန်တော်တစ်ခါမှတောင်မမြင်ဖူးသေးပါဘူး။ (ကျွန်တော် Post ကိုဆရာဖတ်မိရင်လည်း ပြင်သင်တာပြင်ပေးပါ၊ သင်ပေးလို့ရတာတွေကိုလည်း သင်ပေးပါဦးလို့ တောင်းဆိုပါတယ်) ပြောနေတာတောင် တော်တော်ရှည်သွားပြီး command line အကြောင်းတစ်ခုမှမပါသေးဘူး။ သည်းခံကြပါခင်ဗျာ။ အခုကစပါမယ်။
          သူငယ်ချင်းတို့ကွန်ပျူတာထဲကို command line ထဲကနေ ဟိုဝင်ဒီထွက်လုပ်တာရပြီလို့ ထင်ပါတယ်။ မှတ်မိလား dir တို့ cd တို့ cd/ တို့ cd..  တို့ c: တို့ d: တို့လေ။ (windows ထဲက Run Box ကနေ cmd ရိုက်ပြီးသုံးနော်) ဟုတ်ပြီးအခုအသစ်တွေကိုပြောပြပါမယ်။
          command prompt ကိုဖွင့်ပါ။ cd/ ကိုရိုက်ပါ။ cd windows/system32 ရိုက်ပါ။ ဒါဆို c: drive အောက်က windows folder အောက်က system32 ထဲကိုရောက်သွားပါပြီ။ ကျွန်တော်တို့လုပ်ချင်တာက အဲဒီ system32 အောက်မှာရှိတဲ့ .cpl နဲ့ဆုံးတဲ့ files အားလုံးကိုမြင်ချင်တာပါ။ dir *.cpl ဆိုတာ ရိုက်လိုက်ပါ။ ဒါဆို .cpl နဲ့ဆုံးတဲ့ဖိုင်တွေအားလုံး ပေါ်လာပါပြီ။ အဲဒီမှာ * က Random ပါ။ ဘာဖြစ်ဖြစ်ရှာမယ်ဆိုတာပါ။ အဲဒီနေရာမှာ .cpl မဟုတ်ဘဲ .msc ဆိုရင် .msc နဲ့ဆုံးတဲ့ဖိုင်တွေအားလုံးကိုပြမှာပါ။ နောက်အဲဒီဖိုင်ကဘယ်မှာ ရှိမှန်းမသိရင် dir *.cpl /s/a/p ဆိုပြီးရိုက်ပါ။ ဒါပေမယ့် သက်ဆိုင်ရာ drive အောက်ကိုတော့ ရောက်အောင်အရင်သွားရပါမယ်။ *.cpl ဆိုတဲ့နေရာမှာတော့ ကိုယ်ရှာချင်တဲ့ File name ကိုရေးပါ။ တစ်ခါတစ်ခါ virus ကိုက်လို့ရှိရင် တစ်ချို့ဖိုင်တွေကို အဲဒီလိုရှာပြီးလိုက်ဖျက်တာ မြန်ပါတယ်။ Anti Virus ကိုလည်းသုံးရပါတယ်။
          အခု Files တွေ Folders တွေကို Copy, Delete လုပ်တာတွေကိုပြပါမယ်။ အရင်ဆုံး Folder တစ်ခုဖန်တီးပါမယ်။ md “Folder Name” ပါ။ “Folder Name” ဆိုတဲ့နေရာမှာ ကိုယ်ထည့်ချင်တဲ့နာမည်ကိုထည့်ပါ။ နာမည်က space မခြားရင် “” ထည့်စရာမလိုပါဘူး။ ဥပမာ- md lunneainthit ပေါ့။ ရမလားမသိဘူး။ ပြီးရင် dir နဲ့ပြန်ကြည့်ပါ။ ကိုယ် create လုပ်ထားတဲ့ Folder ကိုမြင်ရမှာပါ။ dir ကိုမရိုက်ခင် ကိုယ်ကြည့်ချင်တဲ့ directory အောက် (တစ်နည်းအားဖြင့် folder, drive တစ်ခုခုအောက်ကိုတော့ရောက်နေရပါမယ်) ကိုယ်က တစ်ခုခုလုပ်ပြီးတိုင် dir နဲ့ပြန်ကြည့်ပါ။ ဥပမာ-Delete လုပ်တယ်ဆိုပါတော့၊ ကိုယ်ဖျက်လိုက်တယ် ပျက်မပျက် dir နဲ့ပြန်ကြည့်တော့ သေချာတာပေါ့။
ကဲ delete လုပ်ပါမယ်။ command က rd “Folder Name” ပါ။ (မှတ်ချက်။ ၎င်း folder အောက်တွင် subfolder ရှိပါကမရပါ) File ကိုဖျက်ရင်တော့ del command ကိုသုံးရမှာပါ။ File ဆိုတာသိတယ်မလား။ aa.txt တို့ aa.doc တို့ကိုပြောတာ။ aa.txt ကိုဖျက်မယ်ဆိုရင် del aa.txt လို့ရိုက်ပါ။ နားလည်မှာပါ။
copy ကူးမယ်။ aa.doc ကို bb.doc ဆိုပြီးပြောင်းကူးမယ် ဆိုပါစို့။ copy aa.doc bb.doc ရိုက်ပါ။ 1 file(s) copied. ဆိုပြီး ပေါ်လာပါလိမ့်မယ်။ ဒါဆိုရင် aa.doc လည်းရှိပါမယ်။ bb.doc လည်းရှိပါမယ်။ နောက်တစ်ခါ aa.doc ကို d: drive အောက်မှာရှိတယ်လို့သဘောထားပါ။ ကျွန်တော်တို့က e: drive အောက်ကို copy လုပ်ချင်တာ။ copy aa.doc e:\ ဆိုရင်ရပါပြီ။
နောက်တစ်ခုက Rename နာမည်ပြောင်းမယ်ပေါ့။ ren aa bb ပါ။ aa ဆိုတဲ့ folder က bb ဆိုပြီးပြောင်းသွားမှာပါ။ ထုံးစံအတိုင်းပေါ့ နာမည်မှာ space ခြားထားရင် “” လေးတော့ ထည့်ပေါ့။
ကဲဒီတစ်ခါ User Account ဖွဲ့ကြမယ်၊ ဖျက်ကြမယ်။ lunneainthit ဆိုတဲ့အကောင့်ကို တည်ဆောက်ပါမယ်။ Password ကို let123!@# ဆိုပြီးထားပါမယ်။ net user /add lunneainthit let123!@# ဆိုပြီးရိုက်ရပါမယ်။ net user /add နောက်မှာ user name ပါ။ အဲဒီနောက်မှာ password ပါ။ ရပြီလို့ထင်ပါတယ်။ အခု ဖျက်ကြည့်ကြမယ်။ net user /del lunneainthit  လို့ရိုက်ရင်ရပါပြီ။ /add ဆိုတဲ့နေရာမှာ /del ဆိုပြီးရိုက်ယုံပါပဲ။ တစ်ခုရှိတာက သူက Limited Account ကိုပဲပေးတာပါ။ ဒါကြောင့် ပြန်ဖျက်တဲ့အခါ password ကိုပြန်ရိုက်ဖို့ မလိုတာပါ။ administrator account ကိုလိုချင်ရင်တော့.... မသိဘူးခင်ဗျ(GUI (Graphic User Interface) ကနေဆိုရင်တော့ control panel အောက်က user account မှာသွားပြင်လိုက်ရုံပဲ)။ သိတဲ့သူများ ပြန်လည်ဝေမျှပေးစေချင်ပါတယ်။ Windows 7 မှာဆိုရင်တော့ administrator account ကို တန်းဖွဲ့လို့ရတယ်။ ဒါတော့ထားလိုက်ပါ။ အခုက Windows Xp ကအတွင်ကျယ်ဆုံးမို့လို့ သူ့အကြောင်းကိုပဲပြောတာပါ။ ဒါပေမယ့် အခါပြောတဲ့ command အားလုံးက Windows 7 မှာသုံးလို့ရပါတယ်။ Windows 7 က command အချို့ကိုပဲ Windows Xp မှာသုံးလို့မရတာပါ။
ဒီလောက်ဆိုရင်တော့ တော်လောက်ပါပြီ။ command line နဲ့ပတ်သက်လို့က ကျွန်တော် ခုဏကပြောခဲ့သလိုပဲ အလွန်ကျယ်ပြန့်လွန်းတဲ့အတွက် ကိုယ်တိုင်လေ့လာပါ။ help ဆိုတဲ့ command ကိုသုံးပါ။ အဲဒီမှာ command တော်တော်များများကိုတွေ့ရမှာပါ။ ကျွန်တော်ပြောခဲ့တာတွေကိုလည်း တွေ့ရမှာပါ။ command တစ်ခုရဲ့နောက်မှာ /? ဆိုပြီး တော့ သက်ဆိုင်ရာ command ရဲ့ လုပ်ဆောင်နိုင်တဲ့ switch တွေကိုလည်းကြည့်နိုင်ပါတယ်။ ဥပမာ- del /? ဆိုရင် သူနဲ့သက်ဆိုင်တဲ့ switch တွေကိုတွေ့ရမှာပါ။ အဲဒီမှာ သုံးပုံသုံးနည်းတွေကိုလည်း ပြထားပေးပါတယ်။ နောက်ဆုံးပြောချင်တာတော့ ကိုယ်တိုင်လေ့လာပါ။ စာများများဖတ်ပါလို့ပြောချင်ပါတယ်။
dir    =      Directory
ren   =      Rename
*        =  Wildcard
cd =      Change Directory
md        =      Making Directory
rd =      Removing Directory
del        =      Delete
c:,d:,e:  =      Drive Letter

No comments: